مقالات

تحركات البرهان

تحركات البرهان

البرهان زيو زي محاور كتيرة، بعد بقى الدعم السريع عمليا برا المعادلة ولم يعد ممكنا استنقاذه من الفناء، بيفكر في عملية سياسية انتقالية تبدا قبل ما الحرب دي تنتهي. الزول دا منظر الجيش عمل انتصار وطلع في مؤتمر صحفي ولا حدث سياسي كدا أعلن نهاية الحرب دي ما دايرها. داير يربط نهاية الحرب ببداية الانتقال عشان وجوده ما يتهدد والعملية السياسية الانتقالية دي تبدا في وجوده. يعني ما داير انقطاع في الزمن بين ميقات نهاية الحرب وميقات بداية انتقال ما بعد الحرب.   

من مصلحة تيار السيادة الوطنية والقوى ذات المصلحة قي تأسيس الدولة والتحول المدني الديمقراطي الفصل بين أي عملية سياسية لإنهاء الحرب وأي عملية سياسية لابتدار الانتقال. البرهان دا بعد الدعم السريع هو أكبر عائق أمام أي تحرك للأمام. 

حرب إبريل لابد أن تكون شرخ في الزمن السياسي السوداني. افتتاح عصر جديد لا يقبل مساومات ولا مناطق وسطى ورمادية تجاه الكليات الكبرى كالمحاسبة والعدالة الانتقالية معناها عصر بالتعريف لا فيهو البرهان لا الدعم السريع. الحرب ما نزهة ولا أرواح الناس وبيوتها وأعراضها ومقداراتها المالية والمعنوية وأحلامها فسحة عشان ما نستوعب ١٥ إبريل كشرخ في الزمن السياسي السوداني. الخيانة والعمالة في الحد الأعلى ولا التقصير الواضح في الحد الأدنى في مسألة الأمن القومي للدولة ليسوا وجهة نظر ولا عترات بتصلح المشية. ولو ساومنا في المعاني دي ما حنبني دولة ولا حننعم بي سيادة وطنية وبالتالي ما حنكون استفدنا من الدرس الأول والأخير للحرب دي. 

في تقديري الخاص الحرب دي في نهاياتها والدعم السريع قصة وانتهت ولكن ما سيمنع استيعاب ١٥ إبريل كشرخ في الزمن هو مماهاة أي عملية سياسية لإنهاء الحرب ما أي عملية سياسية لابتدار الانتقال. وأكبر مجسد لاستمرار زمن السودان القديم دون انقطاع حتى بعد مصيبة الحرب دي هو وجود البرهان في رأس الجيش أو الدولة. دا معناها نحن شعب أحسن شي يحصل ليو يستعوض الله. دا قرار لازم تاخده المؤسسة العسكرية نفسها لأنو جنودكم وضباطكم الاستشهدوا ديل عزيزين علينا ودماؤهم غالية في ميزان التاريخ السوداني لا ينبغي أن تضيع قداستها بالتماهي مع وجود المتسبب الأول في سفكها. البرهان هو أس المشاكل ورغم إنو الجيش أثبت مؤسسيته في الحرب دي لكن الإثبات الحقيقي للمؤسسية دي في تنحية البرهان أثناء أو بعد الحرب مباشرة والسماح للتاريخ بأن يأخذ دورة جديدة بفصل أي عملية لإنهاء الحرب عن أي عملية لابتدار الانتقال.

            عمرو صالح يس

انضم الان: ST Online

#st_online

#sudan_news

#السودان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

depo 25 bonus 25

depo 25 bonus 25

slot bet 100

slot bet 100

bonus new member

joker123

joker123

mahjong slot