مقالات

عمرو صالح يس يكتب : التحالف الجنجوقحتاوي

العمر البروح إيدية
هدر في مسخرة دعامة
ما بناخد فداهو الدية
ما بنقبل قصادو غرامة

ميزة إعلان التحالف الجنجوقحتاوي دا بعد ما الكفيل بقى داير مواقف صلبة عشان يحلل قروشو إنو بميز لي كتار الحق من الباطل وبخلي الاستقطاب أحد وأميز! مع كلو يوم جاي حيوضح لي كتيرين إنو الناس ديل هم البدوا الحرب دي بي انقلاب منسق مع جهة عليا في الجيش، لكن الله ما كتب ليو النجاح، وغطاؤهم السياسي للجنجويد وانتهاكاتهم خلال الحرب، ياهو انتهى بي سلامات وضحك ومقالدة ولغة جسد انهزامية وخاضعة في سلامهم عليو وقومتهم للسلام عليو في محلو بتوريك الناس ديل مستعدين يلعقوا البوت دا لي ياتو حد. هو زول واحد وهم عشرين وهم الداعينو يجوا يسلموا عليو واحد واحد ولا يمشي يسلم عليهم هو؟

الكفيل دايرك عبر المشهد دا تطبع مع القائد الهمام وتعتبر كل الحصل للشعب السوداني من قتل وإرهاب وتفقير وتهجير وتدمير لمؤسسات الدولة ومرافقها العامة قرصة ناموسة وعشان تحس بي إنو حلت بشاير السلام، وهو لا حيرجع ليك مالك الاتفقد ولا بيتك الاتسرق ولا شرفك الأنتهك ولا كرامتك ولا سيادتك كشعب ودولة!

لكن حقوالناس ديل بي برهانهم يعرفوا بس إنو البلد دي ما بتشيلنا سوا! يا نحن فوق واططها وإنتو تحتها يا إنتو فوقها ونحن تحتها: والفورة مليون، وأفضل من يعبر عن حالنا شعر أزهري:

 لو تصبر علينا شوية
والصبر إن كمل نتسامي
فوق كل الجراح الحية
والنار التذكي ضراما
ما بتعرف كلمة أحيا
والنضم الوراهو ملامة
والعمر البروح إيدية
هدر في مسخرة دعامة
ما بناخد فداهو الدية
ما بنقبل قصادو غرامة
نحنا علي الفداء إتواعدنا
وإتعاهدنا حب وكرامة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

depo 25 bonus 25

depo 25 bonus 25

slot bet 100

slot bet 100

bonus new member

joker123

joker123

mahjong slot