مقالات

عمرو صالح يس يكتب : ما يريده البرهان1والله البرهان دا لو يوم واحد كان عندي شعور إنو داير سلطة كان احترمته. لأنو لو فعلا كان داير سلطة ما كان بلف ويرجع لي نفس النقاط ولا بصعب لي روحو الدروب.

حاليا البرهان دا هدفه الأساسي هو إطالة أمد الحرب وتسهيل منافذ الدعم السريع اللوجستية والسياسية للدولة وتأزيم إمداد الجيش ولو قدر زيادة على كدا يكبد الجيش خسائر لحدي ما أي زول يقتنع إنو الحرب دي ما بتتحسم. وهنا تعطيله للدولة أخطر من تعطيله للجيش في إنجاز المهمة دي. ودا السبب البيخليو ما يطلع كتير إلا عشان يخدر الناس لأنو زي ما نط من خطاب ١٣ إبريل و٣ يونيو و٢٥ أكتوبر والإطاري داير يجي ينط من خطاباته دي ويقول ليك حان الوقت للوئام والسلام زي ما قبل الإطاري قال الحرية والتغيير فيها ناس وطنيين وهو بيلف ويرجع ليهم كان في ٣ يونيو ولا بعد ٢٥ اكتوبر وفي كل مرة الشرعية الجديدة بتدي وضع أفضل للدعم السريع.

المحور الاستخباراتي البيدير الزول دا هو نفس المحور الاستخبراتي البيدير الدعم السريع وشلة عنتبي.
2
البرهان بيطلع ليك خطاب تخدير ضد الدعم السريع وحميدتي وفي وزير وعضو مجلس سيادة قاعدين في اجتماعات هدفها الأول والأخير الإبقاء على حميدتي! ناهيك إنو حميدتي أصلا لسع عضو مجلس سيادة والدعم السريع بي قانونه وناهيك من تعطيل أداء الدولة وإلجام الجيش.
3
يا ناس الجيش إنتو راجين شنو عشان تشيلو الزول دا؟! ياخ في قائد دولة وجيش في حرب عاصمتها محتلة يطلع خطابات بالدفرة يخدر بيها الناس ويقول لينا الحرب حتنتهي قريبا زي التقول مسلسل بنحضرو بي فشار! حرب بالمستوى دا من الانتهاكات وفقدان الممتلكات والقدرات يطلع فيها خطابين كرئيس سيادة واحد بعد ٨٠ يوم واحد بعد قريب الخمسة شهور؟! أنت داير تدير دولة وحرب بالنبذ يا برهان!! ياخ نحن لا مجبورين عليك ولا أنت مجبور علينا ياخ!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

depo 25 bonus 25

depo 25 bonus 25

slot bet 100

slot bet 100

bonus new member

joker123

joker123

mahjong slot